Welcome to PNP-PRO11

Pulis Davao Region, Respetado, Responsable at Disiplinado.

RPSB – Former rebels, tumanggap ng maraming tulong mula sa kapulisan ng Pulis Rehiyon Onse

May be an image of 8 people and people standing

Former rebels, tumanggap ng maraming tulong mula sa kapulisan ng Pulis Rehiyon Onse
Tumanggap ng ibat’ ibang tulong mula sa kapulisan ng Pulis Rehiyon Onse ang mga dating rebelde na kabilang sa katutubong Matigsalug Tribe na nagbalik-loob sa ating pamahalaan sa Brgy. Tamugan, Marilog Dist., Davao City.
Sa kabila ng ulan at maputik na daan, hindi nagpatinag ang Police Regional Office 11 pangunguna ni PCol Edgar Alan O Okubo, ADRA bilang kinatawan ni Regional Director, PBGEN FILMORE B ESCOBAL ay tinungo ang Sitio Lower Toroyan at Sition Sandunan kasama ang mga tauhan ng Regional Police Community Affairs and Development Unit (RPCADU) 11, Regional Community Affairs and Development Division (RCADD), Motor Trail Riding Course (MTRC) Batch 3 at Revitalized-Pulis sa Barangay (R-PSB) Team Marilog upang personal na makita ang kalagayan ng nasabing komunidad at ihatid ang mga tulong para sa kanila.
Bakas sa mga mukha ng mga katutubong Matigsalug na residente ng Sitio Lower Toroyan dahil sa itinurn-over na construction materials at pagpapasinaya sa pagtatayuan ng water reservoir sa kanilang lugar na sagot sa kanilang matagal nang problema dahil sa layo ng kanilang pinagkukuhanan ng tubig. Kasabay nito at nagsagawa rin ng feeding activity ang mga miyembro ng MTRC.
Matapos nito, ang mga residente naman ng Sitio Sandunan ang pinasaya ng kapulisan dahil sa construction materials na ipinagkaloob din sa kanila para sa kanilang itatayong Sacred Heart of Jesus Chapel at mga farming tools kabilang ang limang (5) piko, pitong (7) bara, tatlong (3) karet, sampong (10) pala, sampong (10) assorted na itak at bolo at tatlong (3) sprayer para sa kanilang hanap-buhay.
Sa pamamagitan ng mga kagamitang ipinagkaloob sa Peoples Organization (PO) ng Sandunan Farmers Association na binuo ng R-PSB ay mas mapapabilis at mapapalago nito ang kanilang pananim na ipinagkaloob sa kanila ng ibang ahensiya ng pamahalaan kung saan sila ay tinuruan din kung paano magtanim at palaguin ang mga ito.
Dalawang (2) bahay naman ang nabigyan ng mga yero bilang pamalit sa gamit nilang plastic bilang bubong na sa tuwing umuulan ay di naiiwasang mabasa sila ng ulan. Mismong ang mga miyembro ng MTRC ang nagkabit ng mga yero sa bahay ng pinakamatandang miyembro ng Matigsalug sa lugar na si Bae Damayang Guloman. Gayundin ang bobong ng bahay ni Datu Engay na pinagtulungang ikinabit naman ng mga tauhan ng ODRDA, RCADD, at Rpsb Marilog.
Patuloy ang bawat kapulisan ng PRO 11 sa paghahatid ng serbisyo sa publiko sa mga Geographically Isolated and Disadvantage Areas (GIDAs) lalo na sa pagtulong sa ating mga kababayan na minsan ay naligaw ng landas dahil sa maling paniniwala at mga kasinungalingan na dulot ng mga Communist Terrorist Gourps (CTGs).
Team PNP-PRO 11 © 2020 ITMS