Welcome to PNP-PRO11

Pulis Davao Region, Respetado, Responsable at Disiplinado.

SECURITY TEMPLATE NGA GIGAMIT SA INAGURASYON NI VP SARA, PLANONG SUNDON SA PNP ALANG SA INAGURASYON NI PRESIDENT ELECT BBM

SECURITY TEMPLATE NGA GIGAMIT SA INAGURASYON NI VP SARA, PLANONG SUNDON SA PNP ALANG SA INAGURASYON NI PRESIDENT ELECT BBM

DAVAO CITY – Laraw nga sundon sa Philippine National Police ang security template nga gigamit atol sa inagurasyon ni Vice President-elect Sara Duterte alang sa gikatakda sab nga oath-taking ni President-elect Ferdinand Marcos Jr. sa Hunyo 30 sa National Museum sa Manila.

Gidayeg sa PNP ang security layout sa gipahigayong pagpanumpa ni VP Sara dinhi sa Davao diin walay natalang insidente atol sa maong event nga gipahigayon sa San Pedro Square .

Gumikan sa kalampusan ug kahapsay, gibutyag ni Maj. Gen. Valeriano de Leon, operations chief sa PNP, nga posibleng ang maong plano usab ang ipatuman aron nga masigurong luwas ug malinawon sab ang inagurasyon ni PBBM.

Sa pikas bahin, gidayeg sab ni De Leon ang kapulisan sa Rehiyon sa Davao nga gipangunahan ni Brig. Gen. Benjamin Silo gumikan sa pagpaningkamot niini nga wala gayu’y mahitabong dili maayo niadtong pagpanumpa ni VP Sara.

Usa sa posibleng himoong public viewing venues alang sa inagurasyon ni Marcos Jr. mao ang Philippine Arena sa Bulacan, Mall of Asia sa Pasay City, Philippine Sports Center sa Pasig City, ug North Luzon Express Terminal sa Bulacan

Team PNP-PRO 11 © 2020 ITMS